जीव ओवाळण्याचा मूर्खपणा एकदा झाला,
त्याच त्या चुकांची पुन:वृत्ती नाही..!!
इथे तर घट्ट धरलेले हातही दुरावतात
दु:खात त्या मुळात बुडणारच नाही..!!
द्यावे नियतीने तिला हवे तशे घाव,
वेदनांची या कधीच तक्रार नाही..!!
आयुष्याने नेहमीच विरोधाभास दिलेत,
त्यांच्या जाळ्यात पुन: अडकणार नाही..!!
आव्हानांना या हसू नकोस, जीवना..!!
तुझ्यासमोर आता झुकणार नाही..!!
थोडा वेळ थांबेल कदाचित, पण-
माघार स्विकारणारी, मी नक्कीच नाही..!!
No comments:
Post a Comment