उपकार

तारकांचे स्वप्न, माझ्या उशाशी सांडत नाही,

क्षणात चमकून विझावा, मी तो काजवा आहे..!

माझी वादळाशी लढण्याची, परीक्षा तू न पहावी,

एकटे 'तू'च  तेवढे वादळ मी जपले आहे..!!

आक्षेप नाही, प्रेमांच्या हजारही जखमांना,

फक्त तिरस्कार तुझा, प्रत्येकदा छळतो  आहे..!!

कुठल्याही आशा-अपेक्षा का ठेवेल तुझ्याकडून?

तू कसा विसरलास, जळणे मला शापच आहे..!!

देव मानलयं मी तुला, दगडाचा अन निर्दयी,

जिथे प्रत्येक क्षणाची, प्रार्थना माझी व्यर्थ आहे..!!

मी तर साधीसुधी याचक तुझ्यासमोर,

दान स्विकारून का मी उपकार करत आहे..??

पळवाट तुवा शोधावी रे दुःखा

पळवाट तुवा शोधावी रे दुःखा,

माझे मीपन मी संपवीत आहे...!

दारिद्रा च्या उल्लेख ही का करावा..?

शब्दांची श्रीमंती मी उपभोगत आहे..!

निष्ठूरतेची उंचीच म्हणावी का ही..?

माझ्याच प्रेतयात्रेस मी हसत आहे..!

हा कसला विचित्र व्यवहार जगाचा,

सरणासाठी माझे घरच जे जाळत आहे..!

दुःखाची ही अग्नी पेटविण्यासाठी,

निर्जिव हात माझे सरसावत आहे..!

विस्तव संसारचे तापले असे काही,

माझे मीपण त्यात भाजत आहे..!

बघा ना गजलेला, कसला आलाय उत,

कशाचा हा उद्रेक मी सांगत आहे..?

बाबा, तू उभा असशील, मी रे या अपेक्षेत आहे..

ही कशी नवीन सुरवात होणार आहे..

काहीच कळत नाही हे मला कळत आहे..

तू असशील ना रे इथेच अवतीभवती..?

की मला भरकटण्यासाठी सोडून देणार आहे..

प्रियकराने धोका द्यावा, तस नात नाहिये आपल,

म्हणुनच तू नेहमी सारखाच , सख्या सोबत हवा आहे..

माझी जबाबदारी संपली इथे,म्हणत निघुन जाशील..?

मला थकल्यावर निजन्यासाठी तुझी कुस लागणार आहे.

कीतीही उंच उडाली मी, तरीही परती साठी,

बाबा,  तू उभा असशील, मी रे या अपेक्षेत  आहे..