Saturday 23 May 2015

अनोळखी

ठिक आहे तर - निरोप
हा आपला शेवटचा
प्रवास दोघांचाही
इथेच आहे संपवायचा

जाता जाता एकदाच
आठवू पहीली भेट आपली
चालेल ना तुला
थोड्या भूतकाळाच्या गोष्टी ?

तू मला,
ओळखते तरी का?
हेच विचारलेले तेव्हा
आठवते का?

आपली ओळख
नावानीच झालेली आधी
भेट तर आपली
घडली फार पुढे कधी

हळूहळू संवाद दोघांचा
वाढायला लागला होता
तेवढ्यात सहवास दोघांचा
आवडायला लागला होता

नंतर वळण आपल्या नात्याला
नको ते मिळाले
आता दुरावा इतका वाढला
की बोलणे नकोशे झाले

ताण आपल्यातला
असा ताणायला नको होता
दोस्ता..!! हा तमाशा मैत्रिचा
व्हायला नको होता

पुन्हा आता दोघांना
दूर-दूर जावे लागेल
ओळखितही "अनोळखी"
दोघांना व्हावे लागेल


No comments:

Post a Comment