कडक उन्हात
तापत उभं राहण्याचा
"शाप"
मिळाला आहे 'बाभळीला'..
बाभळीचा काटाही तसाच
'टोकदार'
सहसा टोचत तर नाही
टोचलाच तर-
अंतरंग फार विव्हळते..!!
तसच आहे 'तिचं'
नियतीच्या डावपेचात
प्रत्येक पावलासरशी
तापून सलाखून निघत आहे..
मनात चाललेली घालमेल
फ़क़्त नजरेत बांधून
चेहरा हसत असतोच
परिस्थितीचा 'विरोध'
सहसा नसतोच..!
अन-
जेव्हा केलाच जरा
'कंबर कसून अन्यायाचा लढा'
तेव्हा
नियतीही नशीब
पुन्हा लिहायला आतुरली..
पण "शाप"
कडक उन्हात तपश्चर्येचा
अगदी ठरलेला,
शेताच्या
बंध्यावराच्या
बभाळीसाराखा..!!