कसा आणि कुठे, अडकलास रे पोरा?
मायचा जीव इथे, गच्च ओला झाला!
वैरी झाला हा, पाऊस आणि वारा!
उभा आहेस ना रे बाबा, तू जरा आडोशाला?
पालीच्या चुकचुकन्याला, करते आहे कानाडोळा!
पण वीज ही आकाशी, धस्स करी मनाला!
उचल आपली पावले, घराकडे तू भराभरा!
दिवेलागणीचा वेळ, कधीच निघून गेला!
उन्मत झालेल्या पावसा,थांब ना रे जरा!
येऊ देत घरी, माझा सोन्या पिल्ला!
स्वप्नांचे बाळ घेऊन, तू उडालास खरा!
पण हा जीव मात्र तलवारीला टांगला!