असा हा भुरभूर पाऊस,सकाळपासून सुरु आहे..!!मला धो-धो कोसळून मोकळा होणारा पर्जन्यच रुजतो,
असा भुरळ घालून झुलवणारा भुरभूर पाऊस नाही.
भुरभूरनारा पाऊस जीवाला भुरळ लावतो, अन या भुरळ मध्ये दिवस व्यर्थ जातो. गेली दोन दिवसात
पावसाला खिडकीतून रिमझिम पडताना पाहन हा छंद जडला! याला छंद म्हणण्यापेक्षा वाईट सवय म्हणावीशी
वाटते! फ़क़्त कोरे विचार मनात ठेवून या भुरभुरणाऱ्या पावसाचा आनंद घेता येत नाही! समजून न समजलेली
हरेक ती व्यक्ती आठवते अन पावसासारखी मनात उतरते,काल्पनिक विश्व अन गोष्टी मध्ये वेळ सरकत जाते!
भुरभुरणाऱ्या पावसात रिमझिमनारे विचार गुंतामय होऊन जातात..!
भुरभुरणारा पाऊस अन फसवे विचार यांच्यातून बाहेर काढतोही हाच भुरभूर पाऊस..!अचानक काही
दिवसांसाठी रुसून जातो.खरं तर रुसत नाही फक्त कुण्या दुसऱ्या तिला भुरळ लावतो.पण मी अगतिक त्याची-भुरभूर पावसाची,
वाट पाहत खिडकीपाशी गुंतामय विचारांना मोकळी करते. वाट त्याची पाहत असली तरी मला धो-धो कोसळून मोकळा होणारा पर्जन्यच आवडतो...