प्रश्न

त्या दिवशी,
त्यानी सरळ डोळ्यात पाहिलं-
खूप दिवसांनी..!!
मला त्याची नजर स्पष्ट वाटायची आरशासारखी-
स्वत:चे प्रतिबिंब दाखवणारी-तेव्हा नव्हती..!!
"तू माझ्यासाठी या गोंधळात अडकली आहेस ना?",
प्रश्न होता..!!
मला कधीही कुणीच विचारू नये असं वाटत असलेला,
अहोरात्र जागवत असलेला..!!
त्याने त्या नजरभेटेत विचारून पण टाकला-
प्रश्न..!!
....वैष्णवी...

रितेपणा

केव्हाची,
एकटक पाहते आहे मी..!!
नेमक्या-
शब्दात मांडायच्या भावना
शोधते आहे-हरवलेले संदर्भ (दुसर काय.?)!!!
तसं तर-
हे नित्याचचं झालं..!!
हौसेने लिहायला घेतलेला कागद-
नुसताच फडफडणं..!!
त्याच्या कोऱ्या राहण्यातही-
अर्थ असावा बहुधा,
तुला-मला न समजलेला अर्थ..!