पावसाच्या थेंबात जशी पडत होती शाई
लिहिल्या शिवाय आज काही रात्र होणार नाही
प्रेमाचे लफडे दिसले ज्या समजदारांना इथे
ढगामागून पाहणाऱ्या सूर्याला भिजणे समजले नाही
पाऊस भिजवत होता वारा विझवत होता तुझे केस
तुझे हसणे माझ्याचसाठी त्यांना समजले नाही
बसून असतो मी तुझ्या सोबत त्या चाफ्याखाली नेहमी
जागेचे मला त्या कधीच रस्ते समजले नाही
तुझ्या डोळ्यातल्या काजळात विठ्ठल रंगतो माझा
आध्यात्म काय, प्रेम काय मला समजले नाही
वैभव गुणवंत भोयर