कित्येक बहाणे केलेत भेटायचे
पण आता भेटशील कुठे..??
आठवणी सारखी सोयीस्कर
जागाच उरली नाही इथे..!!
कित्येक बहाणे केलेत बोलायचे
पण तेव्हा बोललास कुठे..??
कविते शिवाय योग्य आता
माध्यमच उरले नाही इथे..!!
कित्येक बहाणे केलेत समजवायचे
पण तू समजलास कुठे..??
गैरसमज उराशी बाळगून
दोघेही झुरतोय इथे..!!
कित्येक बहाणे केलेत टाळायचे
पण मी तुला टाळलेच कुठे..??
रस्त्याचे कुठलेच वळणही
चुकवायचे शिल्लक नाही इथे..!!
कित्येक बहाणे केलेत विसरायचे
पण काही स्पर्श विसरले कुठे..??
आठवावेत वाटले ते क्षण
पण संदर्भ केव्हाच बदलले इथे..!!
No comments:
Post a Comment