पळवाट तुवा शोधावी रे दुःखा,
माझे मीपन मी संपवीत आहे...!
दारिद्रा च्या उल्लेख ही का करावा..?
शब्दांची श्रीमंती मी उपभोगत आहे..!
निष्ठूरतेची उंचीच म्हणावी का ही..?
माझ्याच प्रेतयात्रेस मी हसत आहे..!
हा कसला विचित्र व्यवहार जगाचा,
सरणासाठी माझे घरच जे जाळत आहे..!
दुःखाची ही अग्नी पेटविण्यासाठी,
निर्जिव हात माझे सरसावत आहे..!
विस्तव संसारचे तापले असे काही,
माझे मीपण त्यात भाजत आहे..!
बघा ना गजलेला, कसला आलाय उत,
कशाचा हा उद्रेक मी सांगत आहे..?
No comments:
Post a Comment