अंगणातील तुळस

अंगणातील तुळस,
तिही बघत असते आकाशाचे स्वप्न..
सगळ्या श्रद्धा तोडून,
अंगणाचे कुंपण मोडून,
तिलाही खुणावत असतो सुसाट वारा..

तरीही ,
रुतलेल्या छोट्याश्या मातीत
स्वतः चं सर्व अस्तित्व विसरते ती..
घरातल्या चिमुकल्या दोन हातांनी
रेखाटलेली रंगोळीच, आकाश असते तिचं..
संध्याकाळच्या शुभंकरोती मध्ये
तिची हरवलेली श्रद्धा शोधते ती..

'तुही तसंच करते..!!,
नाही का ग आई..??'

...वैष्णवी..
...एक सावली..
#सवी