एक दिवा माझ्याही अंगणात लाव

आज दिवाळी 
एक दिवा माझ्याही अंगणात लाव..! 

जिथे 
तुझी वाट ती तुळस 
आजही बघते.. 
अश्रूंचा अंधार, 
नेहमी साठी घालवण्यासाठी 
तरी- 
एक दिवा माझ्याही अंगणात लाव..! 

जिथे 
तुझ्या स्वागतासाठी ती रांगोळी 
रंगच रंग विस्कटून आहे.. 
डोळ्यात उत्साह पुन्हा येण्यासाठी, 
तरी- 
एक दिवा माझ्याही अंगणात लाव..! 

आज दिवाळी- 
भावनांची उत्कटता संपून, 
मनाची संवेदना थांबुन, 
आयुष्याची नवीन सुरवात म्हणुन, 
तरी- 
एक दिवा माझ्याही अंगणात लाव..!