लोकांची तक्रार असते नेहमी,
कवितेत का “तो” असतो नेहमी..??
मलाही नकोच असतो कवितेतला “तो”
पण शब्द तिथेच सापडतात नेहमी..!!
लोक म्हणाले, “कंटाळलोत आम्ही,
त्याच्या विषयीच तू बोलतेस नेहमी..!!”
“तोच” नाही का माझी अलिखित गझल
जी लिहायचा फक्त प्रयत्न करते मी..!!
धमकी देत म्हणाले, “शेवटचे बजावतोय,
“तो” दिसला जरी पुढे वाचणारच नाही आम्ही..!!”
तुमची पर्वा केलीच कधी श्रोतेहो
“तोच” पुज्य, मला आणि कवितेलाही नेहमी..!!
पुढे म्हणाले, “विसरलीस वाटतेस,
आम्हीच तुझ्या शायरी ची वाहवा केलीय नेहमी..??”
माझी प्रत्येक शायरी सुंदर सजली
फक्त त्याच्याच साठी नेहमी...!!
शेवटी वैतागून म्हणाले, “का त्याच्या नावाने,
लपतेस दुख: अंतरातले नेहमी.??”
“तो” म्हणजे फक्त दुख: आणि वेदना
हेच विसरलात वाटातय तुम्ही..!!
No comments:
Post a Comment