अशी ही दोन बहिणींची
कहाणी..!!
एकाच शेताच्या
बांधावरच्या,
जणू दोन झाडांची
कहाणी..!!
एकीत मुळातच
कठोरपणा,
फक्त बाभळीचा
काकटपणा..!!
दुसरीत मायेचा
नेहमीच वसा,
चंदनासारखा फक्त
सुगंध सारा..!!
एकीचे नशीबच
जळण्यासाठी,
कोपऱ्यातील सारण
होऊन सडण्यासाठी..!!
दुसरीनेही झीजनेच
स्वीकारले,
पण दगडाच्या
मूर्तीसाठी..!!
जाणारा वाटसरू,
काटा रुतला म्हणून,
बाभळीला दोष
देतो..!!
पण चंदनाचा सुवासात
अगदी बेधुंद
होतो..!!
शेताच्या एकाच बांध्यावरच्या,
बाभूळ अन चंदना
सारख दोघींचं..!!
पटत पण पटत नाही..!!
कळत पण कळत नाही..!!
मुळे एकाच शेतात,
खोलवर रुतलेली..!!
पण स्वभावातील
विसंगती नेहमीच
जपलेली..!!
बाभळीला काट्याचा
तिरस्कार नाही..!!
चंदनाला सुवासाचा
मोह नाही..!!
काही असण्याची,
काही नसण्याचीही
खंत नाही..!!
फक्त
शेताचा मालक तेवढा
गोंधळला आहे..!!
का ते माहित
नाही..!!
बाभळीला काट्याचा तिरस्कार नाही..!!
ReplyDeleteचंदनाला सुवासाचा मोह नाही..!! Vaishnavi hi kalpana khup chan aahe. kwita mnapasun aawadli.