काळाच्या प्रत्येक आघातावर;
सडेतोड उत्तर देताना-
वेदनेच्या वावटळात
घुसळत-घुसळत चाललेली..!!
त्वेषाच्या ज्वाळेत
जळत-उजळत असलेली..!!
अहंकारी शब्दाच्या
असंख्य वारांनी दुखावलेली..!!
नियतीचा हरएक डाव
खिलाडी वृत्तीने खेळणारी..!!
बंधन झुगारून
स्वप्न पाहायचं धाडस करणारी..!!
आजही जिद्दीने-
नैराश्याची वलये तोडून
"जिंकणार" "जिंकणार" अशी
चवताळून ओरडणारी "जखमी वाघीण"--मी..!!!
No comments:
Post a Comment