एक तारा माझ्यासाठी
तुटला
मनाचा बंध फुटला..
नाही म्हणतानाही
तुझ्यावर सये जीव
जडला..
***
खिडकीच्या काचे वरचे
फुलपाखरू जरा वाटते
रुसले..!!
बरेच दिवस झालेत –
ते नाही माझ्याशी
बोलले...!!
***
रुसलेली कविता
अन तुही..
कासावीस शब्द
अन मीही..
***
मला शब्दाचे थेंब
दिसतात
धो-धो पडणाऱ्या
पावसात...!!
आणि तुम्हाला दिसते
कविता
ओलीचिंब भिजलेली
रानात..!!
***
वेडा करतोय हा पाऊस
मला
प्रत्येक थेंबा
सरशी..!!
आधीच त्याची दिवाणी,
आता पूर्ण स्वत:चाच
करतोय मला..!! – वेडा पाऊस..
No comments:
Post a Comment