आज चक्क त्यानी मला
चंद्र पाहायला
सांगितला..!!
त्याला आवडत नाही
म्हणुनच
मी चंद्राचा नाद
होता सोडला..!!
*****
आज माझ्या खिडकी जवळ
एक फुलपाखरू आले..!!
गालावर ओघळलेले
अश्रू
टिपून उडून गेले..!!
*****
मला तू
माझाच वाटतो..!!
पण पडक्या भिंतीवरचा
“पारवा”
तसं काही नाही
म्हणतो..!!
*****
काळवंडलेला चेहरा
आरशात पहाताना
मलाच माझी कीव
आली..!!
डोळ्यातलं पाणी
पुसूनही
विचारांची विहीर
नाही आटली..!!
*****
कविता हसली,
असे मी समजली..!!
खर सांगू,
इथेच मी चुकली..!!
खर सांगू,
इथेच मी चुकली..!!
*****
No comments:
Post a Comment