तिरस्कार

तुझ्याइतका भ्याड व्यक्ती-
बघितलाच नाही मी..!!
फक्त माझ्या शब्दांनीच,
एका चौकटीत स्वत:ला बांधून घेतलय तू..!!
स्वत:च्या डोळ्याला डोळे भिडवून,
एकतर-
असलेल्या भावनांची कबुली करता यावी..
आणि
झालीच आहे चूक तर-
निधड्या छातीने ती स्विकारली तरी जावी..
तू ,
यातलं काहीच करू शकत नाही..!!!
फक्त तू बरबाद व्हाव या माझ्या वाटण्यावरूनच -बिथरला आहेस तू..!
माझ्या चांगल्यासाठी-माझ्यासाठी-
हे सर्व करतोय..!!
अस चुकुनही बोलू नयेस..!!
कारण मी आताही,
तुझ्या नकारासहीत,
जे आहे ते,जशाच तसे-स्विकारलय..!!
तुलाच रे,
स्विकारता येत नाही आहे,
माझ्यातला तुझ्यासाठीचा - तिरस्कार..!!