नि:शब्द

मला बोलायचे होते तुझ्याशी,
तसे ठरवूनच भेटले होते मी..!
निवांत बसून,
आजवर लपवलेले सर्व गोष्टींचे गाठोडे
उलगडायचे होते मला..!!
न बोललेल्या शब्दांच्या मांडणीची उजळणी-
अगदी तू दिसेपर्यंत चालली होती..
काहीही मनात न ठेवता एकदाचे संपवायचे होते,
आपले जे काहीही नाते..
आपली भेट अशी संपायला नको होती...
माझे-तुझे हे शेवटचे भेटणे होते,
तू घाई घाईत निघून जायला नको होते,
असा नि:शब्द निरोप नको होता मला,
त्याच शब्दांच्या आतुरतेसाठी...!!