काळी वर्तुळे

पाऊस कोसळून-
थांबल्यानंतरच्या काळोखात,
समोरच्या दर्पणात,
डोळ्याखाली गडद झालेली वर्तुळे
स्पष्ट दिसली..!!
आणि
बाकी  तसा फारसा फरक दिसतही नव्हता
पांढऱ्या कपाळाव्यतिरिक्त..!!

भिंतीवर चुकचुकनाऱ्या पालीने
कॅलेंडर वर लक्ष वेधलं..
आज तारीख-

हे देवा..!
एक वर्ष उलटलं,
तुझ्या प्रेतावर कोसळून,
नको जाउस...नको जाउस...
म्हणायला..!!

त्या नंतर-
खरं तर-
फार काही बदललं  नाही,
नेहमी सारखाच पावसानंतर
काळोख दाटला..
फक्त झालीत
डोळ्याखालची काळी वर्तुळे-
समजुतदार ..!